AgNor gob mopirma og MOA tali medical practitioners
DAKBAYAN SA BUTUAN -- Gitakda nang pirmahan ang usa ka kasabutan tali sa probinsiya sa Agusan del Norte sa ngalan ni Gob. Dale B. Corvera ug medical practitioners alang 2022 para pagsuporta sa mga frontline services sa mga ospital nga gidumalahan sa local nga panggamhanan sa Agusan del Norte.
Ang pag-hire sa mga medical practitioners nagtumong sa paghatag og mayo nga pag-atiman sa pasyente pinaagi sa pagpuno sa mga kinahanglanon nga serbisyo medical nga gipunting sa mga hepe sa ospital ug aron matubag ang padayon nga pagsunod sa mga kinahanglanon sa paglisensya sa Department of Health (DOH) ug sa Philippine Health Insurance Corporation (PHIC).
Base sa maong MOA, hatagan sila og insakto nga compensation sa ilang gihatag nga medical services ug uyon ang mga medical practitioners sa gitakda sa MOA.
Ang paghatag otoridad kay Gob. Corvera gi-aprobahan subay sa sanggunian Resolution No. 528-2021 nga gipanginahan ni board Member Elizabeth Marie R. Calo atol sa ika 118th regular session. (Jessica O. Mellejor, LGU-Agusan del Norte/PIA-Agusan del Norte)